Die FAO-komitee oor Landbou het onlangs 'n Peruaanse projek onderskryf om 30 Mei wêreldwyd as "Internasionale Aartappeldag" aangewys te word. Die komitee beoog om die voorstel deur die FAO-raad en -konferensie goedgekeur te kry en ook aan die Algemene Vergadering van die Verenigde Nasies voorgelê te word.
Peru se ministerie van landbou-ontwikkeling en besproeiing (Midagri) sê in 'n persverklaring dat die voorstel eenparig deur die verteenwoordigers van regerings in Amerika, Europa, Afrika, Asië en Oseanië ondersteun is.
As dit deur die VN se Algemene Vergadering goedgekeur word, sal die eerste Internasionale Aartappeldag wêreldwyd op 30 Mei 2024 gevier word.
Midagri sê dit is 'n baie belangrike prestasie vir Peru, die middelpunt van oorsprong van die aartappel, en 'n wêreldwye erkenning en herevaluering van die hoë Andes-bewoners, wat die aartappel duisende jare gelede mak gemaak het.
Midagri wys daarop dat Peru die Latyns-Amerikaanse vasteland in aartappelproduksie lei en lande soos Brasilië, Argentinië, Chili en Ecuador oortref. Wêreldwyd beklee Peru die 16de plek wat produksie betref, onder leiding van China, gevolg deur onder andere Belarus, Pole, Kazakstan, Holland, Duitsland.