DIE onophoudelike reën en vloede in Uttar Pradesh, Indië se grootste aartappelprodusent, het boere, veral in die aartappelgordel van Kannauj, na groot verliese laat staar. Ironies genoeg moet hulle aartappels teen buitensporige tariewe koop sodat hulle hul volgende oes kan saai.
Die aartappellande van Kannauj Uttar Pradesh wat vir die Rabi-seisoen voorberei is, is versuip met die onophoudelike en onverwagte reën wat die staat vroeër hierdie maand gesien het en pryse van aartappels het opgeskiet, volgens 'n berig in die Gaon Connection.
Vinod Kumar, 'n 60-jarige aartappelboer van Khusatiya dorp in die distrik, het gesê: "Dit is heel moontlik dat die aartappels binnekort teen 'n duisend rupees per katti (ongeveer 50 kg) sal verkoop."
Hy het bygevoeg dat hy aartappels vir nie meer as Rs 270 per katti (50 kg) verkoop het nie, maar tot Rs 800 per katti opgedok het om dit te koop.